شعر الاغاني لشاعره:انغام

[center]هوى المصيف
بهواك يا هوى المصايف
بهواك وانا قلبي خايف
لو أجيلك السنة دي
تجرحني حد عارف
ما هو الصيف اللي فات
أنا راجعة بذكريات
وحكاية كتير بتحصل
لكتير قوى م البنات
طمني وقول تعالى
ش دايما بحري عالي
بهواك بهواك
يا هوى المصايف
بحب البحر لكن
ما أنزلش البحر أعوم
واحب موجه ساكن
وأقول ياريت يدوم
واختاري لي حتة رايقة
بتبعدني عن المدايقة
من غير نا أشعر وأحس
لمستي الكورة لمس
ووراها أحلى حس
رفعت عينيه أبص
ع اللي جرى لعقلي
لما قابلت عينيه
شئ كده هزني كلي
سلم قلبي اليه
وهويت وغويت
يا هوى يا هوى
يا هوى المصايف
يا خسارة يا خسارة
يا خسارة الحلم ما يكملشي
يا خسارة يا خسارة
يا خسارة الحلم ما طولشي
ده هوانا كان بيت من رملة
الموج دوبه ما استحملش
راح فين راح فين
راح حبيبي يا بير مسعود
راح فين راح فين
راح فين كده من غير مايقول
هايجيني ولا مش هايعود
لو أجيلك السنة دي تداويني
ما انت عارف جرح الصيف
اللي فات وآلام الذكريات
وحكاية كتير بتحصل
لكتير قوى م البنات
طمني وقول تعالى
مش دايما بحري عالي
بهواك بهواك
يا هوى المصايف