(صاحب الاستندر)

يـا صاحبــي لستنــدري آنـا ارْغبــه .. يطرب شعور القلب, عكـس الفتك

يــا مــا خِرشنــا وطالِبنْهــا تجـربــه .. كـــل مـا غلبتـــه هالسّعادة تغمرك

قيــرك ثلاثه وتـفـِّـتِن هــي تطـــربه .. باقسـى عزومه جـاهد ومـا يلحَقِك

لو هي شوارع أو صحـاري مشعّبه .. كلّـه نشـــاط وهمّتـــن مــا تخذِلــك

يا كــم رسم في هالصحاري مسْربه .. واعتى لعراقيــب ان رقاهــا ترتبك

شكلـه شيـوخي وفزّتـه كم مِرْعبه ! .. روووح البداوة هايمه فـي مبْسمك

أما الفتك أمــره غريبي مـا اغربه ! .. تدفـــع فلوس افموتـرن ويفشـّـلِك

حنـّا بـــدو نقطـع رمولـــن واتربــه .. ما نركــب اللّي عـالحِفيـر ويجبرك

دايــم يقرقــع مسرفــن فــي مشربه .. ويــامـا ابخرابـه خَسّرك مـا تمْتلك

دام الفتك هــو موتَــرِك لــي تركبه .. وانك بغيت تعيش أنصحـك بـ سِفِـك