غلطه ولاني مطوّفها على الفاضي
( القصيدة متوفرة حاليا بالنص فقط )
(غلطه) ولاني مطوّفها على الفاضي
لا بد تاخذ جزاك وتعرف حدودك
ماكل مرّه تفلسف كنّك القاضي
تآمر وتنهى علي وتنقض عهودك
أن كان حبي عطاك العذر في الماضي
اليوم لا والله إلا زيد بصدودك
بعطيك درس وعسى بالدرس تعتاضي
وتلاحظ أنك بدوني فاقدك وجودك
بعلّمك كيف معنا فن الأعراضي
وكيف الحزن في غيابي يكثر قيودك
بقطع وصالك وأعدّك أتفه أغراضي
أبعثرك وأجمعك ويضيع مجهودك
وأسهرك ليلك وقلبك حيل مغتاضي
وتشوف وجهك يشح وينحني عودك
والله بعدها تجي تبكي على أنقاضي
وتلوم نفسك ودمعك عانق خدودك
وأثبت لك أني من أول عنك متغاضي
أدمح خطاياك وأسكت وأقبل شهودك
يعني بكيفي أجيك وخاطري راضي
وإلا لو أني نويتك تذبل أورودك
وتحس بأن (الغلا) ماهوب ينعاضي
وأن (الحليم) أن غضب ما همّـه صدودك